காதல் சுகமானது 22

written by raja

முழு தொடர் படிக்க

ஜார்ஜ் தன்னுடன் வேலை செய்த பாலாஜிக்கு ஃபோன் செய்தான்.

"என்ன பாலாஜி எப்படி இருக்க? நான் இல்லாம ரொம்ப சுபிட்சமாக இருக்கே போல!"

"என்ன குரு இப்படி சொல்லிட்டீங்க, நீங்க இல்லாமல் எனக்கு வேலையே ஓட மாட்டேங்குது."

"அப்புறம் என் எதிரி சஞ்சனா எப்படி இருக்கா?"

"குரு, அவ ரெண்டு நாளா வேலைக்கே வரல,"

"எனக்கு தெரியும், அவ ஏன் வரலன்னு, அவ காதலனை விபச்சார வழக்கில் போலீஸ் அரெஸ்ட் பண்ணதை கண் முன்னே பார்த்த சோகத்தில் வந்து இருக்கா மாட்டாள். ஆனால் அந்த ராஜா நாய் மட்டும் எப்படியோ அன்னிக்கே எஸ்கேப் ஆயிடுச்சு. ஊரை விட்டு ஓடி விட்டதா கேள்விப்பட்டேன். எப்படி இந்த ஜார்ஜ் அடிச்ச அடி?"

"என்னது நீங்க அடிச்ச அடியா?" 

பாலாஜி புரியாமல் கேட்டான்.

"அது ஒன்னும் இல்ல பாலாஜி, நான் ஒரு திட்டம் போட்டேன். ராஜாவை விபச்சார வழக்கில் சிக்க வைத்தால், சஞ்சனாவிற்கு அவன் மேல் வெறுப்பு வரும். அந்த நேரத்தில் நான் அவள் அப்பா மூலமாக அவளை கன்வின்ஸ் செய்து அவளை அடையலாம் என்று பிளான் போட்டு இருக்கேன்."

"செம்ம பிளான் தான் குரு, ஆனா உங்க பிளான் ஊத்திக்கிடுச்சு.."

பாலாஜி ஒரு குண்டை தூக்கி போட்டான்

"என்னடா சொல்ற?"

"பின்ன நீங்க ராஜாவை மாட்ட வைக்க திட்டம் போட்டீங்க, ஆனா அவன் எஸ்கேப் ஆகிட்டான். சஞ்சனாவை அடைய திட்டம் போட்டீங்க. அதுவும் இப்போ டமால்.."

"ஏண்டா என்ன ஆச்சு, சஞ்சனா தற்கொலை ஏதும் பண்ணிக்கிட்டாளா?"

"நீங்க வேற குரு, அவளாவது தற்கொலை பண்ணிக்கிறதாவது.. உங்களுக்கும் இல்லமா ராஜாவுக்கும் இல்லாம மூணாவதா ஒரு ஆள் புகுந்து சஞ்சனாவை தட்டிட்டு போய்ட்டான்."

"யாருடா அது? என்னோட போட்டிக்கு வர்றது..!"

"அது வேறு யாருமில்லை குரு, பிரியா மேடம் தம்பி அர்ஜுன்.."

"என்னது பிரியா தம்பி அர்ஜுனா?" 

அவன் பேரை கேட்டதுமே ஜார்ஜ் விழுந்து விழுந்து சிரித்தான்.

"என்ன குரு சிரிக்கிறீங்க? எனக்கும் விசயத்தை சொல்லி விட்டு சிரிங்க.."

"ராஜாகிட்ட இருந்து சஞ்சனாவை பிரிப்பது தான் கஷ்டம் பாலாஜி, ஆனா இந்த பிளக்கா பையன் அர்ஜுன் கிட்ட இருந்து சஞ்சனாவை பிரிப்பது ரொம்ப ரொம்ப சுலபம். அப்புறம் அந்த சஞ்சனா எனக்கு தான்.."

"எப்படி குரு பிரிக்க போறீங்க.?" பாலாஜி ஆச்சரியமாக கேட்க,

"பாலாஜி நல்லா கேட்டுக்க, நானும் அர்ஜுனும் ஒரே காலேஜில் படிச்சவங்க. அவன் சரியான தயிர்சாதம். இன்னும் சொல்ல போனால் அவன் தான் எனக்காக பிரியா மேடம் கிட்ட முதலில் இந்த வேலைக்கு சிபாரிசு பண்ணினான். அதனால் தான் நான் இந்த கம்பனியில் சேர்ந்தேன். அர்ஜுனோட முழு அகராதியும் எனக்கு தெரியும். இப்போ நான் பண்ண போற விசயத்தில் அர்ஜுன் சஞ்சனாவை எச்சில் இலை மாதிரி எப்படி தூக்கி எறிந்து விட்டு போக போறான் பார்" என்று ஜார்ஜ் வில்லன் போல் சிரிக்க

பாலாஜி புரியாமல் "எப்படின்னு சொல்லுங்க குரு, இல்லைனா எனக்கு தலையே வெடித்து விடும்" என்றான்.

"அது போனில் சொல்ல முடியாது பாலாஜி", என்று போனை வைத்து விட்டான்.

'ஏண்டா அர்ஜுன் நான் கஷ்டப்பட்டு பிளான் போட்டு, ராஜாவையும், சஞ்சனாவையும் பிரித்தால் நீ நோகாமல் வந்து சஞ்சனாவை தட்டி கொண்டு போவியா? விடுவேனா நான்?' என கொக்கரித்து, ஒரு வீடியோவை வாட்ஸ்அப் மூலமாக அர்ஜுன் மொபைலுக்கு அனுப்பினான்.

************************

காலை பொழுது கோயம்பேடு, 

 அர்ஜுன் தன் நண்பனை send off செய்ய வந்து இருந்தான்.அவன் நண்பனை அனுப்பி விட்டு கிளம்ப எத்தனிக்கும் சமயம் அவனுடைய மொபைலுக்கு notification ஒன்று வந்தது. அதை ஓபன் பண்ணி பார்க்கையில் ஒரு வீடியோ play ஆக தொடங்கியது. அது வேறு ஒன்றும் அல்ல ஜார்ஜ் அனுப்பிய ராஜா மற்றும் சஞ்சனா ஆடிய annual day celebration வீடியோ தான். அதில் சஞ்சனா, ராஜாவிடம் காட்டிய நெருக்கம், அவள் கண்கள் அவனிடம் காதல் மொழி பேசியது, அவள் அந்தரங்க பாகங்களில் அவன் விரல் படும் பொழுது கூட கொஞ்சம் கூட தயக்கம் இல்லாமல் அவனுடன் ஒத்துழைத்து ஆடியது, இவற்றை எல்லாம் பார்க்க பார்க்க அவனுக்கு கோபம் தலைக்கேறியது. எரிகிற தீயில் எண்ணெய் ஊற்றியது போல் அங்கே சரியாக ராஜாவின் தோளோடு தோள் உரசி கொண்டு சஞ்சனா கரம் பிடித்து நடந்து வந்து கொண்டு இருந்தாள். 

திரையில் வந்த காட்சி தரையில் கண் முன்னே வந்தது. பொங்கி வந்த கோபத்தில் அர்ஜுன் சஞ்சனாவை நோக்கி நடந்துவந்தான். கோபத்தில் அறிவிழக்க இடம், பொருள், யாவற்றையும் மறந்து விட்டு சஞ்சனாவின் கன்னத்தில் அறைய முற்பட்ட சமயம் ராஜாவின் வலுவான கை அவனை தடுத்தது.

ராஜா அர்ஜுனின் கையை பிடித்து முறுக்கி "ஏண்டா நான் இருக்கும் போதே என் சஞ்சனாவை அடிக்க பார்க்கிறீயா, நான் ஒரு தடவை அவளை அடித்ததிற்கே 10 மணி நேரமாக அவ கிட்ட சாரி கேட்டுட்டு வரேன்.சஞ்சனா யாரு இவன். எதுக்கு உன்னை அடிக்க வரான்" என்றான்.

சஞ்சனா அவனை மேலும் கீழும் பார்த்து "இவன் யாரென்றே எனக்கு தெரியவில்லை ராஜா" என்று கூற ராஜாவின் பிடி இன்னும் இறுகியது

அர்ஜுன் வலி தாங்காமல் "அடிப்பாவி என்னை யார் என்று தெரியலையா. நான் தான் உன்னை கல்யாணம் பண்ணி கொள்ள போகும் அர்ஜுன்" என்று கத்தினான்.

சஞ்சனா அவனிடம் "யாரு நீ என்னை கல்யாணம் பண்ணிக்க போறீயா. உன் மூஞ்சை கூட நான் இதுவரை பார்த்தது இல்ல.." என்றாள்.

"அடிப்பாவி, என் போட்டோவை உன் அப்பா காண்பிக்க வில்லையா..." ராஜாவின் பிடியில் வலியில் கத்தி கொண்டே கேட்க

"அவர் என்னவோ காண்பித்தார், நான் தான் அதை பார்க்க கூட விரும்பல.. என் மனசு பூரா இதோ" என ராஜா தோளில் சாய்ந்து "இவன் இருக்கான்." என்று ராஜா கன்னத்தில் முத்தம் இட்டு "இவனை தவிர வேற யாரயும் நினைச்சு கூட பார்க்க மாட்டேன்" என்று அவள் சொல்ல ராஜாவுக்கே கர்வமாக இருந்தது.

ராஜா முறுக்கிய அர்ஜுனின் கையை விட்டு விட்டு "சஞ்சனா பார்க்க இவன் மைதா மாவு மாதிரி இருக்கான், விட்டுடலாமா"என்று கேட்க,
சஞ்சனா "போனால் போகுது விடு ராஜா" என்று கூற,

அர்ஜுன் அடங்காமல் "சஞ்சனா நான் உன்னை சும்மா விட மாட்டேன்" என கத்த

ராஜா மீண்டும் அவன் கையை பிடித்து முறுக்கி, "போனால் போகுது விட்டு விடலாம்னு பார்த்தா மறுபடியும் என் சஞ்சனாவையே மிரட்டற", என்று அவன் தலையில் ரெண்டு குட்டு குட்டினான். சஞ்சனா தன் பங்குக்கு ரெண்டு குட்டு வேகமாக குட்டினாள்.

"அய்யோ வலிக்குதுடி" என்று அர்ஜுன் கத்தினான். 

"ஹலோ பிரதர் எதுவாக இருந்தாலும் நீங்களே அடிங்க,சஞ்சனா அடிப்பது எனக்கு ரொம்ப வலிக்குது."

ராஜா நிதானமாக "டேய் இப்பவும் சொல்றேன் ஒழுங்கா ஓடி போய்டு என் கண் முன்னாடி நிக்காத, இன்னொரு தடவை சஞ்சனா பக்கம் வந்தே உன் தோலை உரிச்சு தொங்க விட்டுடுவேன். ஓடி போ." என்று விரட்டினான்.

அர்ஜுன் மனசுக்குள்ளே 'நான் அவ்வளவு சீக்கிரம் யார்கிட்டேயும் நான் நினைச்ச பொருளை விட்டு கொடுத்தது இல்ல, ஒன்னு எனக்கு கிடைக்கணும், இல்லை அந்த பொருளே இல்லாமல் பண்ணி விடுவேன். சஞ்சனா உன் நாட்கள் எண்ணப்படுகிறது' என விலகி போனான். நேராக அவன் சென்ற இடம் சஞ்சனாவின் அப்பாவிடம்.

அர்ஜுன் சஞ்சனா அப்பாவிடம் "யோவ் என்னய்யா பொண்ணு வளர்த்து வைச்சு இருக்க. கண்ட மேனிக்கு ஒருத்தனோடு ஊர் சுத்துறா" என்று கத்தினான்.

சஞ்சனாவின் அப்பா மனசுக்குள் அய்யயோ மாப்பிள்ளைக்கு உண்மை தெரிந்து விட்டது போல சரி சமாளிப்போம் என்று நினைத்து "மாப்பிள்ளை உங்ககிட்ட என் பொண்ணை பற்றி யாரோ தப்பா சொல்லி இருக்காங்க" என்று கூற

"என்னது தப்பா சொல்லி இருக்காங்களா நானே என் கண்ணால் பார்த்தேன் இங்க பாரு" என தனக்கு வந்த வீடியோவை காண்பித்து "பார்த்தியா உன் பொண்ணு எப்படி ஜோடி போட்டு ஆடுறா, சினிமா நடிகை கூட இந்த அளவுக்கு ஒட்டிக்கிட்டு ஆட மாட்டா."

"மாப்பிள்ளை ஒன்னும் கவலைபடாதீங்க, இதெல்லாம் மறந்துடுங்க.இதென்ன ஊரில் நடக்காத விஷயமா? நான் என் பொண்ணை இந்த கல்யாணத்திற்கு எப்படியாவது ஒத்து கொள்ள வைத்து விடுகிறேன்."

"என்னது..!! இன்னமும் நான் உன் பொண்ணை கல்யாணம் பண்ணிக்குவேன்னு நினைச்சியா.. all programs cancelled. ஆனா அதுக்காக உன் பொண்ணை மட்டும் சும்மா விடுவேன் என்று நினைக்காதே..!" என்று கோபமாக வெளியேறினான்.

ராஜா கோயம்பேட்டில் உள்ள வண்டிய எடுக்கும் பொழுது, வண்டியில் இருந்து தன் செல்போனை எடுத்து on செய்தான்.

"அடப்பாவி செல்போனை இங்கயே தான் வச்சிட்டு வந்தீயா"

"ஆமா பின்ன, சதுரகிரியில் எப்படியும் நெட்வொர்க் கிடையாது. எடுத்து போய் என்ன பயன் என்று ஸ்விட்ச் ஆஃப் பண்ணி வைத்து விட்டேன்."

On செய்தவுடன் மொபைல் ரிங் ஆகியது. மறுமுனையில் "சார் ரெடி ஆயிடுச்சு வந்து டெலிவரி எடுத்து கொள்றீங்களா" என்று கேட்டது. ராஜா "இன்னும் 30 minsல வந்து எடுத்துக்கிறேன்."என்றான்.

"என்னடா என்ன விசயம்"

"Surprise வா என்னோடு" என்று அவளை கூட்டி சென்றான்.

ராஜா ஒரு bike ஷோரூம் முன் வண்டியை நிறுத்த, சஞ்சனா ஆச்சரியமாகி "என்னடா இங்க வந்து நிறுத்திருக்க. வண்டி வாங்க போறீயா"

"அமைதியா வா சஞ்சனா"

"ரெடியா" என்று ஷோரூம் உள்ளே சென்று கேட்டான்.

அவர்களும் உள்ளே சென்று, ஒரு suzuki access 125 வண்டியை எடுத்து கொண்டு வெளியே வந்தனர்.

"சஞ்சனா இந்த வண்டி உனக்காக ஒரு வாரம் முன்பே புக் பண்ணி வைத்து விட்டேன். Register ஆகி வர தான் லேட் ஆகி விட்டது. உனக்கு பிடித்த மெருன் கலர். உன் friend ஸ்கூட்டி ஓட்டி போகும் போது உன் கண்ணில் தெரிந்த ஏக்கத்தை பாத்தேன். உன்கிட்ட சொன்னால் எதுக்கு வீண் செலவு என வாங்க விட மாட்ட. அதனால் தான் இந்த சர்ப்ரைஸ்."

சஞ்சனா கண்களில் ஆனந்த கண்ணீரோடு "ஆனா பணத்துக்கு என்னடா பண்ண?" என்றாள்.

"என்ன சஞ்சனா இப்படி கேட்கிற, என்னோட சம்பளம் உனக்கு நல்லா தெரியும். incentive எல்லாம் சேர்த்து நான் மாசம் 60,000 சம்பாதிக்கிறேன். உனக்கு ஜஸ்ட் ஒரு 1,10,000 ரூபா கொடுத்து என்னால் ஒரு வண்டி வாங்கி தர முடியாதா என்ன?"

சஞ்சனாவிற்கு சின்ன வயசில் இருந்தே ஸ்கூட்டி மேல் ஆசை, ஆனால் அவள் குடும்ப சூழ்நிலையால் வாங்க முடியாமல் இருந்தது. அவள் கண்ணில் தெரிந்த ஏக்கத்தை வைத்தே ராஜா அதை கண்டுபிடித்து இன்று அவளுக்கு வாங்கியும் கொடுத்து விட்டான்.

சஞ்சனா வண்டியை எடுக்க,

ராஜா "ஒட்ட தெரியுமா சஞ்சனா" என கிண்டல் பண்ணினான்.

"எனக்கு தெரியும் போடா" என்று உண்மையில் லாவகமாக ஓட்டினாள். ட்ராஃபிக்கில் கூட சர்வ சாதாரணமாக புகுந்து ஓட்டினாள்.

அவள் வீட்டருகே வந்தவுடன், "சரி சஞ்சனா நான் கிளம்பறேன்" என்றான் ராஜா.

"என்னடா வீடு வரை வந்துட்டு, போறேன்னு சொல்ற.. வந்து என் கையால் ஒரு காஃபியாவது சாப்பிட்டு போ"

ராஜா தான் அவமானபட்ட இடத்தை பார்த்து தயங்க, அவன் தயக்கத்தை புரிந்து கொண்ட சஞ்சனா, "நான் இருக்கிறேன் வாடா, உன்னை யாரும் எதுவும் சொல்ல முடியாது" என்று அவன் கை பிடித்து உள்ளே அழைத்துச் சென்றாள்.

சஞ்சனாவும் ராஜாவும் உள்ளே வருவதை பார்த்து அவள் அப்பா முகத்தில் எள்ளும் கொள்ளும் வெடித்தது. ஆனால் ஏதாவது பேசினால் சஞ்சனா வெடுக்கென்று அவன் முன் பேசி விடுவாளோ என்று பயந்தார். அதனால் அமைதியாக இருந்தார். சஞ்சனா அவனுக்கும் காஃபி போட்டு கொண்டு வந்து அவனருகே அமர்ந்து குடிக்க ஆறுமுகம் ஏதும் செய்ய இயலாமல் தவிக்க, ராஜா அவரிடம் சென்று "சார் கவலைபடாதீங்க உங்க சம்மதம் இல்லாமல் எங்க ரெண்டு பேர் கல்யாணம் நடக்காது" என்று சொல்லிவிட்டு வெளியேறினான்.

சஞ்சனா அவனை வழியனுப்ப வெளியே வந்து "என்னடா, தீடீர் என்று அப்பா சம்மதம் இல்லாமல் கல்யாணம் நடக்காதுனு சொல்லிட்டு வந்துட்ட" என்றாள்.

"இல்ல சஞ்சனா, எனக்கு உள்மனதில் இருந்து சொல்ல வேண்டும் என்று தோணிச்சு சொல்லிட்டேன்."

சஞ்சனா அவன் கையை பிடித்து அவள் வயிற்றில் வைத்து, "நம் உறவால் என் வயிற்றில் கரு உண்டாகி இருக்கலாம் என்று நினைக்கிறேன்டா" என்றாள்.

"நீ கவலைபடாத சஞ்சனா, நாம் அவ்வளவு நாள் காத்திருக்க வேண்டிய அவசியம் வராது. உன் அப்பா அதற்குள் சம்மதம் தெரிவிப்பார்."

"சரி இன்னிக்கு ஒரு நாள் என்கூட இருக்கலாம்ல"

"இல்ல சஞ்சனா, ஒருத்தனுக்கு திருப்பி கொடுக்க வேண்டிய ஒன்னு பாக்கி இருக்கு, நான் உடனே போய் ஆகனும். வரேன்"

"நானும் ஒருத்தனுக்கு திருப்பி கொடுக்க வேண்டிய பாக்கி இருக்கு, நீ போய்ட்டு வா ராஜா"

"அப்புறம் சஞ்சனா நாளையில் இருந்து சில நாட்கள் நான் உன்னை விட்டு விலகி இருக்க நேரிடும். எல்லாமே என் கண்மணிக்காக தான். உனக்கு ஒரு உறுதி அளிக்கிறேன். உன்னை தவிர என் வாழ்க்கையில் வேறு எந்த பெண்ணும் கிடையாது" என்று சொல்லிவிட்டு சென்றான்.

சஞ்சனா உள்ளே வந்தவுடன் அவள் அப்பா பேச்சு கொடுக்கலானார்.

"சஞ்சனா நீ அவனுக்கு ரொம்ப இடம் கொடுக்கிற, அவன் கொஞ்சம் நேரம் முன்னாடி பண்ண காரியம் தெரியுமா? அர்ஜூனுக்கு நீயும் அவனும் சேர்ந்து இருக்கும் வீடியோவை அனுப்பிச்சு நடக்க இருந்த கல்யாணத்தை நிறுத்தி இருக்கான் தெரியுமா?"

சஞ்சனா அவரை பார்த்து, "எப்பவுமே. தப்பு தப்பா தான் புரிஞ்சிக்கிவிங்களா அப்பா, அவன் ரெண்டு நாளாக என் கூட தான் இருக்கான். அவன் கிட்ட மொபைல் கூட கிடையாது. அவனால எப்படி அனுப்ப முடியும்.? ராஜா இப்போ உங்ககிட்ட வந்து என்ன சொன்னான்? உங்க சம்மதத்தோடு தான் கல்யாணம் நடக்கும் என்று சொன்னானா இல்லையா? இதில் இருந்தே புரிந்து கொள்ளலாம் அவன் எவ்வளவு நல்லவன் என்று."

"அப்போ இந்த வீடியோவை யார் அர்ஜூனுக்கு அனுப்பி இருப்பாங்க."

"என் சந்தேகம் சரியாக இருந்தால் நான் நினைக்கும் அந்த பொறம்போக்கு தான் வீடியோவை அனுப்பி இருக்கும். அது தான் இந்த மாதிரி காரியத்தை செய்யும். அந்த நாய் தெரிந்தோ தெரியாமலோ ஒரு நல்ல காரியத்தை செய்து எனக்கு பிடிக்காத கல்யாணத்தை நிறுத்தி இருக்கு. இன்னிக்கு அவனுக்காகவே வெளியே ஒரு வேலை பாக்கி இருக்கு நான் போய்ட்டு வரேன்பா." என்று விருட்டென்று வெளியேறினாள்.

ராஜா தன் கம்பனியில் வேலை பார்க்கும் இக்பாலுக்கு ஃபோன் செய்தான்.

"இக்பால் எனக்கு ஒரு உதவி செய்ய முடியுமா?"

"ம், சொல்லு ராஜா கண்டிப்பாக செய்யறேன்."

"இக்பால், ஜார்ஜ இப்போ வேலையை விட்டு தூக்கினாங்கல்ல, அவன் கம்பனி கொடுத்த மொபைலை ரிடர்ன் பண்ணி விட்டானா?

"இல்ல ராஜா அவன் எஸ்கேப், மொபைல் ரிடர்ன் பண்ணல, ஃபோன் ஸ்விட்ச் ஆஃப்,"

"சூப்பர் இக்பால், நம்ம கம்பனி மொபைலில் சிம் கார்டு மாற்றினாலும் IMEI நம்பர் மூலமா நீ ட்ராக் பண்ண முடியும்ல. கொஞ்சம் அவனோட லொகேஷன் ட்ராக் பண்ணி அனுப்ப முடியுமா?"

"எதுக்கு ராஜா?"

"நான் அவனுக்கு கொடுக்க வேண்டிய பாக்கி ஒன்னு இருக்கு",

"அப்படியா ராஜா, நீ அவனுக்கு கொடுக்க வேண்டிய பாக்கியை திருப்பி கொடுத்து விட்டு அப்படியே அவன்கிட்ட கம்பனி மொபைல் வாங்கிட்டு வந்து என்கிட்ட கொடுத்துட முடியுமா? கொஞ்சம் என் கணக்கும் முடிக்கணும்."

"அதுக்கென்ன கண்டிப்பாக வாங்கி வந்து கொடுக்கிறேன். ரெண்டு பேர் கணக்கும் இன்னிக்கு சேர்த்து முடிச்சிடலாம்.."

லொகேஷன் வந்து விட, அதை பார்த்த பொழுது அது அருகில் உள்ள மால் லொகேஷன் காட்டியது. ராஜாவிற்கு ஜார்ஜ் கார் எதுவென்று தெரியும். basement சென்று ஜார்ஜ் கார் அருகே மறைந்து அவன் வருகைக்காக காத்து இருந்தான். ஆனால் சஞ்சனா, ராஜாவை விட வேகமாக ஜார்ஜ்ஜை சிக்க வைக்க ஒரு காரியத்தை கச்சிதமாக செய்து இருந்தாள்.

தொடரும்...